الفرحة في زمن الكورونا
فيه ناس بتستغرب من الفرحة بأشياء بسيطة أو أشياء قد تبدو للبعض تافهة!
بتفرح بفنجان قهوة ☕ الصبح مع تمرة أو كحكة تبوظ لك الريجيم مرة من نفسك
بتفرح بتلاوة ايات سوا مع حد بتحبه!
بتتبسط بتذكير بعض بالله والدعاء بظهر الغيب
بتفرح بعبق قديم من حارة جدك وجدتك!
بتفرح بتمشية على كورنيش مبهج!
بتفرح بلَمِّة عيلة!
بتفرح بابتسامة بريئة من طفل!
بتفرح بكلمة طيبة!
بتفرح بسفرية طويلة وتعليم أحد مهارات بسيطة زي سواقة عربية!
أه عادي بنفرح
وممكن بحاجات أدنى من هذه = نفرح
مش المهم طبيعة ولا فخامة الشيء المسبب للفرحة
المهم وجود الاستعداد النفسي للفرحة في القلب.
إن يكون عندك مفهوم الفرحة نفسه لان الحزن من الشيطان زي ما كلنا عارفين
أو زي ما الجماعة الأجانب بيسموها
Concept of happiness
لو المفهوم ده مفقود فللأسف
حتى لو سيقت اليك الدنيا بحذافيرها هاتتعكنن بردو ومش هاتشوف غير نصف الكوب الفارغ!!
ستبحث عن النكد بإيديك وأسنانك ولن ترتاح إلا في غيابات الكآبة لأنك ببساطة بقيت حزين قلبا وقالباً.
كان رسول الله صلى الله عليه وسلم به مابه من الحزن ومع ذلك يتبسم... صلى الله عليه وسلم
ودي طبعا لا علاقة لها بالراحة
أما لو المفهوم ده موجود فصدقني ممكن حاجات بسيطة جدا تبهجك وتفرحك
والمفهوم ده أصله بيتكون من فرحك بفضل ربك ورحمته
"قُلۡ بِفَضۡلِ ٱللَّهِ وَبِرَحۡمَتِهِۦ فَبِذَ ٰلِكَ فَلۡیَفۡرَحُوا۟ هُوَ خَیۡرࣱ مِّمَّا یَجۡمَعُونَ"
لو الأصل ده موجود = إن شاء الله هتفرح بإذن الله تعالى
هو سبحانه قادر إنه يفرحك ويسعدك ويحييك حياة طيبة
ربنا يفرح قلوبنا وقلوبكم بطاعته وبشهود نعمه وفضله
تفائلوا بالخير تجدوه..
تعليقات
إرسال تعليق